ပန်းတစ်ပွင့်တောင်ဗုဒ္ဓသာသနာပြုတက္ကသိုလ်ကိုယ်စားလှယ်အဖွဲ့သည် ၄.၉.၂၀၁၈ နံနက်ပိုင်းတွင် ထိုင်းနိုင်ငံ၊ ဘန်ကောက်မြို့မှ လေကြောင်းခရီးဖြင့် ထွက်ခွာလာခဲ့ပြီး ဒေသစံတော်ချိန် နေ့လယ် ၁:၃၀ အချိန်တွင် သီရိလင်္ကာနိုင်ငံ၊ ကိုလံဘိုမြို့သို့ရောက်ရှိကြရာ သီရိလင်္ကာနိုင်ငံဆိုင်ရာ မြန်မာနိုင်ငံသံရုံးမှတာဝန်ရှိသူများက ကြိုဆိုနှုတ်ဆက်ကြပါသည်။ ၅.၉.၂၀၁၈ နံနက်ပိုင်းတွင် တက္ကသိုလ်ကိုယ်စားလှယ်အဖွဲ့သည်ကိုလံဘိုမြို့ရှိ Kelaniya University PGIPBS သို့ ရောက်ရှိကြရာ Director နှင့် ပါမောက္ခများ၊ တာဝန်ရှိသူများက ကြိုဆိုနှုတ်ဆက်ကာ တက္ကသိုလ်နှစ်ခုအကြား အပြန်အလှန်ချိတ်အပြန်အလှန်ချိတ်ဆက်ဆိုင်ရွက်နိုင်ရေးအတွက်တွေ့ဆုံဆွေးနွေးပြီးဆောင်ပစ္စည်းများအပြန်အလှန် ပေးအပ် ကြပါသည်။ ထို့နောက် တက္ကသိုလ်စာကြည့်တိုက်အတွင်း လှည့်လည်ကြည့်ရှုကြပါသည်။ နံနက် ၁၁းဝဝနာရီအချိန်တွင် ကိုလံဘိုမြို့ မကုဋာရာမ မြန်မာကျောင်းတိုက်၌ သီရိလင်္ကာနိုင်ငံရှိ ပညာသင် ရဟန်းတော်များ၊ သီလရှင်များအားနေ့ဆွမ်းနှင့် နဝကမ္မများဆက်ကပ်လှူဒါန်းကြပါသည်။ နေ့လယ် ၁:ဝဝနာရီအချိန်တွင် ပညာသင်ရဟန်းတော်များနှင့် ပညာရေးဆွေးနွေးပွဲ ကျင်းပခဲ့ပါသည်။ ထိုမှတစ်ဆင့် Nagananda Internation Institutes of Buddhist Studies သို့ဆက်လက် ထွက်ခွာလာခဲ့ရာတာဝန်ရှိသူများက ကြိုဆိုနှုတ်ဆက်ကာတက္ကသိုလ်နှစ်ခု အကြားအပြန်အလှန်ချိတ်ဆက် ဆိုင်ရွက်နိုင် ရေးအတွက် တွေ့ဆုံ နိုင်ရေး အတွက်တွေ့ဆုံဆွေးနွေးပြီး MOU လက်မှတ်ရေးထိုးကြကာ လက်ဆောင်ပစ္စည်းများ အပြန်အလှန်ပေးအပ်ကြ ပါသည်။
